Aimar Olaizola Lau eta Erdiko txapelketako final laurdenetarako sailkatzeko aukera guztiak galdu zituen larunbatean Victorrekin galdu ostean. Gaur jakinarazi du ez duela azken jardunaldian jokatuko, eskuin eskua minduta du-eta.
Medikuak gaur goizean aztertu du Goizuetako aurrelariaren eskua, eta honen ostean erabaki du «eskua ez dagoela partida jokatzeko egoera onean». Partidak ez zuen garrantzi handiagorik, bere aurkariak, Joseba Ezkurdiak, sailkapena eskuratuta daukalako aurreko bi jardunaldietan Victor bera eta Jokin Altuna txiki utzi ostean.
Azken bi hauek izango dira haien artean sailkatzeko bigarren plaza bereganatuko dutenak A taldean.