Antolakuntzak ohar bidez nabarmendu du «esperimentu moduko bat bezala» jaio zen Emakume Master Cup lehiaketak dagoeneko «finkatuta dagoen egutegi bat» lortu duela.
Hala, «Lau eta Erdiaren eta Masterraren ondoren, urtarrilaren hasieran Binakakoaren txanda izango da».
Lehiaketak izaera irekia dauka eta, hortaz, interesa duten pilotari guztiek har dezakete parte. Urtarrilaren 1etik 13ra egongo da izena emateko aukera www.emakumemastercup.eus webgunean.
Promozio mailarako, dagoeneko osatuta emango da bikotearen izena eta lehen mailarako, aldiz, pilotariak banaka inskribatuko dira. Antolatzaileek osatuko dituzte bikoteak, «lehiaketari oreka eman asmoz».
Sistemari dagokionez, berrikuntza bezala, lehen mailako txapelketan kanporaketa zuzenak jokatuko dira lehen aldiz, maila asko berdindu denez, egun berean bi partida jokatzea gehiegizkoa izan daitekeelako.
Urtarrila amaieran ekingo zaio txapelketari
Urtarrileko azken asteburuan ekingo zaio txapelketari Galdakaon eta lehen kanporaketarako, izen ematearen arabera beti ere, herrian dauden pilotaleku guztiak erabiliko dira, Galdakaoko hirurak eta Usansolokoa.
Sailkapen-faseak Bizkaiko frontoietan jokatuko dira, eta finalerdiak, berriz, Errenteriako Agustina Otaola pilotalekuan, martxoaren 10ean. Finala Zumarragako Belokin izango da, martxoaren 17an. Bi kasuetan, ETBk zuzenean emango ditu jaialdiak.
Lateralidad, un tema desconocido pero crucial en el aprendizaje de las niñas y niños
Las unidades productivas y las marcas de Ternua aseguran su continuidad y cien empleos
Euskal musikaren sektoreak kezkaz begiratzen dio makrokontzertuen gorakadari
Científicos que trabajan en Groenlandia alertan del riesgo de una apropiación de Estados Unidos
