Konfinamendua betetzen ez duenari abisua eta, bihartik aurrera, isuna

Koronabirusaren hedapena gelditzeko hartu diren neurrien artean, etxetik ezinbesteko beharretarako baino ez ateratzea agindu da. Horien artean ez dago kirola egitea, paseoa ematea edo parkera jaistea. Ertzaintza, Foruzaingoa eta udaltzaingoak abisuak ematen ari dira gaur. Bihartik aurrera, isunak jarriko dituztela baieztatu dute.

Espainiar Estatuko Gobernuak alarma egoera ezarri zuen atzo eta, horrekin batera, konfinamendua. Hau da, kasu zehatz batzuk eman ezean, ezin da kalera irten. Hemen bildu ditugu zein baldintzatan bai eta zeintzuetan ez dagoen etxetik ateratzeko aukerarik.

Gizartearen gehiengo batek serio onartu ditu neurri hauek, baina bada oraindik kalera ateratzeko erabakia hartu duenik.

Horien aurrean abisuak eman dituzte gaur bai Foruzaingoak, bai Ertzaintzak, bai herri eta hirietako udaltzaingo ezberdinak ere. Lerro hauen gainean, Donostian, Ertzaintzak korrikalari bat gelditu duen unea.

Bihartik aurrera, baina, isunak jarriko dituztela baieztatu dute.

Ertzaintzaren kontrolak. Gaur ez dute isunik jarriko. Bihartik aurrera, bai. Ez baduzue beharrik, ez ezazue lelokeriak egin. #Koronabirusa
— Amaia Ereñaga (@GARA_aerenaga) March 15, 2020

Está claro que muchos sólo aprenderán con la "recetica"... https://t.co/aMduYmMxDR
— Policía Foral - Foruzaingoa (@policiaforal_na) March 15, 2020

Informando a ciclistas en #Ansoain No tenemos patrullas para tanto irresponsable e insolidario...#COVID19 pic.twitter.com/FVIoccgv0V
— Policía Foral - Foruzaingoa (@policiaforal_na) March 15, 2020