Bizkaiko Pentsiodunen Mugimenduak Lakuako Gobernuaren «planifikazio falta» kritikatu du, eta osasun sistema publikoaren egoeran jarri du fokua, «patologia ahulak dituzten pertsonen arreta alde batera utzi edo atzeratzen» ari delako, «lehen mailako arretako eta kontsultategietako ordutegiak murrizten» ari diren bitartean.
Ohar batean, kolektiboak salatu egin du Urkulluren Exekutiboa osatzen duten alderdiek, EAJk eta PSEk, Gotzone Sagardui Osasun sailburuak pandemiaren berri emateko Legebiltzarrean egin behar zuen agerraldiari uko egin izana.
Pentsiodunentzat, Lakuaren «aurreikuspen eta planifikazio falta» agerian geratu da «pandemiaren bosgarren olatuaren aurrean».
Deseskalatze «ez oso ordenatua»
Nabarmendu dutenez, udako deseskalatze ez oso ordenatuari, eta orain gutxira arte 60 eta 69 urte bitarteko lagunen artean izan den txertaketaren atzerapenari, inpaktu handiko bosgarren olatua gehitu behar zaio orain, «kutsatze, ospitaleratze eta gazteen ospitaleratzeak eragin baititu».
Bizkaiko pentsiodunen ustez, «ia osasun langile guztiak» pandemiara bideratu behar izateak «patologia ahulak dituzten pertsonen arreta alde batera uztea edo atzeratzea eragiten du, eta udan lehen mailako arretako eta kontsultategietako ordutegiak murriztea».
«Aztarnarien faltak, lanez gainezka dagoen talde bat, maila kezkagarrietara heldu da, neurririk hartu gabe; eta gainera, EAJk eta PSEk uko egin diote abuztuan Gotzone Sagarduik pandemiaren bilakaera azaltzeko agerraldia egiteari», kritikatu dute.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
