Lapurdin, Zuberoan zein Nafarroa Beherean nagusi izan da Marine Le Pen buru duen Rassemblement National eskuin muturreko alderdia. Boto guztiak zenbatuta, RN-k 29.529 boto eskuratu ditu Ipar Euskal Herrian (%22,37). PS bigarren indarra izan da, 22.190 botorekin (%16,81) eta 2019ko bozetan gailendu zen Emmanuel Macronen Renaissance alderdia hirugarren indarra izatera pasa da, 21.508 boto-paper bilduta (%16,29).
RN nagusi izan da Ipar Euskal Herriko herri ugaritan, hala nola, Baionan, bozen %21,42 bildurik, Donibane Lohizunen (%21,97), Angelun (%22,26), Senperen (%25,73), Uztaritzen (%25,4), Kanbon (%26,57), Hazparnen (%25,81), Baigorrin (%16,82), Urruñan (%23,69) edo Ziburun (%20).
Historikoki ezkerra nagusi izan den hainbat herritan ere irabazi ditu bozak eskuin muturrak, hala nola, Hendaian, bozen %21,57 bildurik. Aitzitik, Maulen PS izan da nagusi bozen %19,91 eskuraturik. Macronen alderdia nagusi izan da, esaterako, Biarritzen (%20,43) edo Donibane Garazin (%17,89).
2019ko bozekin konparatuta, parte-hartzeak gora egin du Ipar Euskal Herrian. Orduan 120.102 herritarrek eman zuten botoa, eta oraingoan 134.156 izan dira. Abstentzia %46,43an kokatu da (2019an %48,42koa izan zen).
El actor Sambou Diaby, expulsado de un bar de Bilbo acusado de mantero: «Aquí no puedes vender»
La exposición temprana a pantallas se relaciona con cambios cerebrales en la adolescencia
Preparándose para confirmar en las urnas la anomalía vasca
Muere un joven motorista de 24 años en un accidente de tráfico en Hernani
