Stop Desahucios Gipuzkoa plataformak Irunen, irailaren 7an, ezarrita dagoen kaleratze-agindua bertan behera uzteko eskatu dio Kutxabanki. Jakinarazi dutenez, Lorena 2017tik bizi da bere etxean, haren bost seme-alabekin, eta «ezer jakin gabe», banketxeak enkantean eskuratu zuen etxebizitza. Hori horrela, orain kontratua berritzeari uko egiten diote jabeek eta kaleratze arriskuan da familia.
Iazko ekainean eman zen etxegabetzeko agindua, baina epaileak erabakia bertan behera utzi zuen 'gizarte-ezkutuak' neurriari esker. Aurtengo otsailean, ordea, espainiar Kongresuak indargabetu egin du neurri hori PP, Vox eta Junts alderdien ezezkoagatik, eta etxegabetzeko agindua martxan jarri da berriz ere.
Azpimarratu dute Irungo udalarekin jada bi bilera egin eta Gipuzkoako Batzar Nagusietara jo duten arren, Kutxabankek jarrera «itxia» mantendu duela.
Plataformak gogorarazi dio Lakuari, Etxebizitza Legearen arabera, hutsik dauden bizitokiak desjabetzeko eskubidea duela horiek ez badute bizileku-funtzioa betetzen. Bestalde, Kutxabanki zehaztu dio Gasteizko Gobernuaren esku jarri behar dituztela hutsik dauden etxebizitzak, alokairu sozial «eskasa» eta «kolapsatua» indartzeko.
Blocus, la ‘mano negra’ violenta que confunde a los Mossos y lanza mensajes en Euskal Herria
Cargas de la Ertzaintza para desahuciar en Arrigorriaga a Carmen y a su hija de 11 años
EH Bildu, primera fuerza en intención de voto en la CAV, confirmaría el sorpaso en Bizkaia
Libertad provisional sin fianza al detenido por su vinculación con Blocus en Bilbo
