Laboral Kutxa Punta Galea Challenge olatu handien txapelketako 15. edizioa ospatu da astearte honetan Bizkaiko kostalde horretan, non sei metroko olatuak espero ziren.

Eguraldia lagun izan dute parte hartu duten 24 surflariek, eguzkia eta tenperatura atsegina protagonistak izan baitira. Hortxe aritu dira, besteak beste, Nic Lamb estatubatuarra, 2014 eta 2017an txapeldun izandakoa, Mason Hyce Barnes herrikidea, Russel Bierke australiarra, Francisco Porcella italiarra, Tony Laureano eta Miguel Blanco portugaldarrak, Fabian Campagnolo hegoafrikarra, Vinicius Dos Santos brasildarra eta Sacha Bongaertz 'Taxi' herbeherearra.

Euskaldunen artean aritu dira Natxo Gonzalez, Mat Agirregomezkorta, Ibon Lopez, Yago Dominguez, Javi Horn, Kosme Fernandez, Natxo Fernandez, David Bustamante 'Zuku', Endika Ruiz, Tito Ortega, Axi Muniain, Indar Unanue, Aritz Aranburu eta Iker Amatriain, Manuel Lezcano kanariarrarekin batera.