Mikel Urrutikoetxea sorpresa emateko gai zela zioen askok, eta Aimar Olaizola nagusitu den arren (22-12) 22. tantoraino lan dezente egin behar izan du Goizuetakoak, beste behin ere partida bikaina egin du.

Olaizolak 18. egin duenean bazirudien partida amaitua zegoela, baina Urrutikoetxeak egoerari buelta eman eta 12-18 jarri du markagailua, esperantza biziaraziz. Horretan zela kale egin eta 19.a egin du Aimarrek, 20.a gero, 21.a eta ezin izan du gehiago txapelketa bikaina egin duen Zaratamoko pilotariak.

Oinatz Bengoetxearen aurka izango du bere maila erakusteko hurrengo aukera, 3. eta 4. posturako lehian. Horren ostean, faborito nagusien arteko finala udako solstizioarekin. Juan Martinez Irujo eta Aimar Olaizola, bi handi buruz buru izango dira aurtengo txapelketaren finalean.