Astelehenean sekulako jipoia jaso zuen Realak Madrigal futbol zelaian, eta gaurkoan ere Vila-real taldea izan du aurrez aurre. Emaitza, baina, desberdina izan da, eta donostiarrek lortu dute final laurdenetarako sailkapena.
Joaneko partida golik gabe bukatu zenez, itzulikoa oso irekia zegoen, eta Javi Rosek sartu du gol bakarra, 31. minutuan.
Lehen zatian Vila-realek ez du gol aukera bakar bat ere sortu, baina bigarrenean, aldiz, asko estutu du. Talde horiak gola sartu du 64. minutuan, baina epaileak baliogabetu egin du, jokoz kanpo zegoelako.
Azkenik, donostiarrek emaitzari eutsi diote.
92-93 denboraldian lortu zuen Realak azkenekoz final laurdenetarako sailkatzea.
Hilaren 22an, asteazkena (20.00), Realak Racing hartuko du Anoetan, joaneko partidan. Itzulikoa, aldiz, urtarrilaren 30an jokatuko da.
Futbolari buruzko NAIZen webgune bereziak partidari buruzko xehetasun gehiago eskaintzen du.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
