«Deusek ez du justifikatzen horrelako neurri bat hartzea, juezak baldin bazuen zerbait galdetzeko edo leporatzeko aski zuen aurkezteko deialdia egitea. Bide batez, ‘terrorismoaren gorazarreari’ buruzko oso interpretazio eta erabilera arriskutsuak egiten ari dira», ohartarazi dute.
Dokumentua hurrengo eragile hauek sinatu dute: EH Bildu, Orain-Ahora Mugituz, Aranzadi, ELA, LAB, ESK, Steilas, CGT-LKN eta EHNEk, eta bihar 19.00etarako elkarretaratzea deitu dute Iruñeko Udal Plazan «Demokrazia. Eskubide zibil eta politikoen defentsan» lelopean.
«Elkarbizitza demokratikoaren aldeko gure konpromisoa berretsi nahi dugu. Guztion jokabide arduratsua behar da zeregin horretan. Espainiar Estatuak bultzaturiko inboluzio antidemokratiko batean murgildurik gaude. Hori dela eta, elkarrekin, arduraz eta determinazioz aritu behar dugu elkarbizitza hori bermatzeko. Lehia politikoaren gainetik dagoen eskabide eta behar soziala da», gaineratu dute.
«Nafarroa eremu demokratikoa izan behar dela diogu, eta hori horrela izan dadin eskubide zibil eta politikoak bermatu behar dira. Horrekiko gure konpromisoa» berretsi dute.
Bitartean, UPNk preso ohien harrera ekitaldien aurkako jarreran sakondu du. Madrilgo Kongresuan dituen bi diputatuek, Carlos Salvadorrek eta Iñigo Allik, Gobernu espainolari ekitaldi hauek zapuzteko zer neurri hartuko dituen galdetu diote.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
