Bizkaiko Batel Txapelketen finalak Sestaon jokatu dira gaur goizean, eta senior mutiletan Santurtzik lortu du garaipena 8:35.15 denborarekin. Bigarren Zierbena izan da, azken urteotako dominatzailea, 12.48 segundora; eta hirugarren postua Kaikurentzat izan da 22.88ra.
Emakumezkoen maila nagusian, Kaiku izan da azkarrena 9:59.45eko marka ezarriz. Bigarren Deustu sailkatu da 9.73 segundora eta hirugarren Lutxana, 11.05era.
Beste mailetan hauek izan dira urrezko domina lortu dituztenak: jubenil mutiletan Zierbena; jubenil nesketan, kadete mutiletan eta infantil nesketan Kaiku; kadete nesketan, infantil mutiletan eta alebin mutiletan Isuntza; eta alebin nesketan Ondarroa.
Gipuzkoako finalak, berriz, Pasai San Pedron jokatu dituzte, eta senior mutiletan garaipena Donostiarrarentzat izan da 8:36.52ko denborarekin. Bigarren Zarautz izan da 14.52 segundora, eta hirugarren Orio 21.10era.
Emakumezkoen senior mailari dagokionez, irabazlea Hibaika izan da 9:56.00ko markarekin. Donostia Arraun Lagunak bigarren izan da 4.58 segundora eta San Juan hirugarren 5.62ra.
Beste mailetako irabazleak, hauexek: jubenil mutiletan eta infantil nesketan San Juan; jubenil nesketan eta promesa nesketan Orio; eta kadete mutiletan eta infantil mutiletan Zumaia.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
