Idiazabal Jatorri Izendapeneko eta Artzai Gazta Elkarteko gaztandegiek 63 domina eskuratu dituzte Bergamon (Italia) ospatu zen World Cheese Awards txapelketako 32. edizioan. Super Urrezko domina bat, hamabi urrezko domina, hogeita bat zilarrezko eta hogeita bederatzi brontzezko lortu dituzte.
Super Urrezko dominari dagokionez, Artzai Gazta Elkarteko Azkarraga gaztandegiaren gaztak irabazi du. ‘Munduko gazta keturik onena’ izendatu dute. Elkarteak azaldu duenez, «aipamen berezia merezi du». Gaztandegi horretan Gorka eta Iban Asurmendi anaiek bere latxa artaldearen esne gordinez egiten dute gazta «eta bere aitak erakutsi bezala ketzen dute».
30 herrialde ezberdinetako 250 epaile ingururen ardura izan da gazta onenen izendapenak argitzea. Hainbat herrialdetako 3.800 gaztaren artean Idiazabal eta Artzain Gaztako 63 gaztandegi nabarmendu dituzte.
Pirinioetako Artisau Gazta Txapelketan ere sarituak
Pasa den asteburuan, La Seu d’Urgell-en ospatu den Pirinioetako Artisau Gazta Txapelketan Idiazabal Artzai-Gaztako hiru gaztandegi saritu zituzten. Sat Olano (Araba), Angel Linzoain-Atekoa (Nafarroa) eta Baztarrika (Gipuzkoa) gaztandegiek lortu dituzte lehen hiru sariak Gazta Zaharra kategorian.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
