Gaurko eguraldia

EURI KONTUAK IPAR PARTEAN. Hodeitsu hasiko da eguna lurralde osoan, baina bereziki ipar partean; bertan goizean zehar euri zaparradaren bat edo beste botako du. Hego-isurialdean, aldiz, ateri egongo da eta pixkanaka ostarte batzuk irekitzen joango dira. Arratsaldean ipar-isurialdean ere atertu egingo du eta ostarte txiki batzuk irekiko dira, hego-isurialdean giroa argiagoa izango den bitartean. Ipar-mendebaldeko haizea bizi ibiliko da. Tenperaturek beste koskatxo bat egingo dute behera.

Bihar

Fronte ahul batek hodei asko zabalduko ditu goizean ipar-isurialdean, eta euri txiki modura zaparradatxoren bat edo beste egingo du. Hego-isurialdean, aldiz, giro argia eta atsegina nagusituko da goizean goizetik. Arratsaldean ipar-isurialdean atertu eta ostarte politak irekiko dira. Hego-isurialdean, aldiz, giro eguzkitsua nagusituko da. Haizeak goizean iparraldetik joko du, eta  arratsaldean ipar-ekialdera egingo du. Tenperaturek gora egingo dute, bereziki barnealdean.