Korrikaren 24. edizio honek ematen duenaren berri jasoko du NAIZek zuzeneko honetan, martxoaren 19an Atharratzetik atera eta 29an Bilbora iritsi arte. Albisteak, argazkiak, bideoak, elkarrizketak, erreportajeak... dena hemendik bildurik aurkituko duzu.
KORRIKA ZUZENEAN (Hamaika TB)
24. Korrikaren bederatzigarren egunean furgonetan harrapatu dugu Ane Elordi kordinatzaile orokorra. Edizio honek izaten ari den babesarekin pozik agertu da «aniztasuna irudikatzea» lortu duelako eta Bilbon izango den amaieraren biharamunean «Euskara gara eta izango gara» aldarrikatuko dute.
Garazi Castaños Fariñasek egindako elkarrizketa.
ARGAZKI GALERIA
Aiaraldean hasi eta Gasteizen bukatuko du ostirala Korrikak
Trebiñu arabarra eta euskalduna aldarrikatu dute herritarrek Korrikan.
Aiaraldeatik ordu txikitan ibili da Korrika eta Hego Uriben argitu du 9. egunak. Arratian jendetza batu ostean, Gorbeialdeatik egin du jauzi Arabara. Añana bisitatuta Trebiñu izan da hurrengo geldialdia. Zaldiaran Mendatetik Berrostegietaruntz joango da segidan, egunak ilunduta Gasteizera iristeko.
Garazi Castaño Fariñasek idatzitako kronika.
Ilunabar ederra Trebiñun. Añastro utzi du atzean Korrikak.
Kuartangotik atera berri, «tipi-tapa, tipi-tapa»
GOPEGIN ZALDI GAINEAN
Gopegi herrian izugarrizko pozarekin hartu dute lekukoa eskolako haurrek. Eta gainera zenbait lagunek zaldi gainean egin dute ibilbidea ondoan, irudia benetan ederra osatuz.
Garazi Castañoren eskutik pasartea.
BIZKAITIK ARABARA SALTO
Gorbeialdia zeharkatzen ari dira lasterkariak, Bizkaitik Arabarantz. Azkeneko bi orduak mendi parajeetatik egin ditu, eta giro bustian; hegoalderantz egin bitartean argitzea espero.
JOSEBA IRAZABAL ERE LEKUKO ERAMAILE, HUNKITUTA
Joseba Irazabalek hamabost edizio egin ditu Korrikan furgoneta arduradun lanetan. Gurpil gaineko hiru hamarkada horiek gau luzeak, emozio biziak eta lekukoaz haratago lasterketa bizirik mantentzeko kezka utzi dizkiote. Gaur goizean Arratian eraman du lekukoa, ia lainopean. Garazi Castaño lankideak ekarri digu unea.
Hemen Korrikari buruzko gehigarrian egin genion elkarrizketa: «Korrika bakoitzak hunkitzen nau, ez dut gogoratzen negar ez dudan bat ere».
Zeanuriko txistulariak irudian. Lehenengo Korrikatik gaur arte kilometro bat beti eskuratu dutela aipatu dute.
Arrigorriagan eguna argitu aurretik...
Eskola txikien txanda Artean. Arratian jarraitzen dugu, Arabarantz hurbiltzen.
IGORREN JENDETZA, ERRITMO AZKARRA... ETA GALIZIERAZ
Bizkor ekin dio Korrikak Igorren. Pentsiodunek eraman dute lekukoa. Bertso eskolakoek ere bai, eta bertso bat galizieraz kantatzera ere animatu dira...
