LEHENENGO ERA
Osagaiak 4 lagunentzat
4 uso, 3 tipula, azenario bat, 4 baratxuri ale, 250 ml ardo beltz, koñaka, olioa, gatza, piperbeltz beltza, 400 g patata.

Zailtasuna                        2            

1. Usoak garbitu, osorik utzi eta gatza eta piperbeltz beltza bota.
2. Zartagin bat olio zurrusta batekin berotu eta usoak gorritu.
3. Presiozko eltze batean zerrendatan moztutako barazkiak olio pixka batekin erregosi, su eztitan.
4. Usoak, ardoa eta zurrusta bat koñaka sartu eta 2 minutuz egosi.
5. Baso bat ur bota, eltzea estali eta 40 minutuz egosi. Usoak atera, begiratu ea bere puntuan dauden eta erditik moztu.
6. Barazkiak irabiagailuarekin nahasi, usoak sartu eta 10 minutuz egosi.
7. Patatak 20 minutuz egosi, zuritu eta sardexka batekin zapaldu. Gatza eta olio pixka batekin nahastu. Pure honekin lagundu.
 
BIGARREN ERA
Osagaiak 4 lagunentzat
4 uso, 2 tipula, 2 porru, 8 baratxuri ale, 250 ml ardo beltz, 50 g txokolate beltz, sagar bat, olioa, gatza, piperbeltz beltza.

Zailtasuna                             2

1. Usoak garbitu, osorik utzi eta gatza eta piperbeltz beltza bota.
2. Presiozko eltze batean zerrendatan moztutako barazkiak olio pixka batekin erregosi, su eztitan.
3. Usoak, ardoa, baso bat ur eta txokolatea gehitu, eltzea estali eta 40 minutuz egosi.
4. Usoak atera eta erditik moztu.
5. Barazkiak irabiagailuarekin nahasi, usoak sartu eta 10 minutuz egosi.