LEHENENGO ERA
Osagaiak 4 lagunentzat
300 g arroz, litro bat salda, tipula bat, 400 g onddo, 125 g hirugihar, 50 g gurin, 60 g Idiazabal gazta birrindu, ardo zuria, olioa, gatza.

Zailtasuna                        2               

1. Txikitutako tipula olio pixka batekin erregosi, su eztitan.
2. Onddoak garbitu eta zatitu. Tipulari gehitu eta erregosi.
3. Moztutako hirugiharra eta arroza gehitu eta arin erregosi.
4. Zurrusta bat ardo zuri gehitu eta minutu batez egosi.
5. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
6. Gazta eta gurina gehitu eta nahastu. Gatza bota, 3 minutuz egosten utzi eta noizean behin eragin.

BIGARREN ERA
Osagaiak 4 lagunentzat
300 g arroz, litro bat salda, tipulina erdia, 2 piper berde, 2 baratxuri ale, 350 g onddo, 75 g urdaiazpiko ondu, olioa, gatza, 40 g Parmesano gazta birrindu.

Zailtasuna                     2               

1. Txikitutako barazkiak olio zurrusta batekin erregosi, su eztitan.
2. Zatitutako onddoak gehitu eta erregosi.
3. Txikitutako urdaiazpikoa eta arroza gehitu eta arin erregosi.
4. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
5. Gazta gehitu eta nahastu. Gatza bota eta beste 3 minutuz egosi.