Amagoia Bilbao

Indioilar bularki txitxiburduntziak

GETTY IMAGES
GETTY IMAGES (GETTY IMAGES)

LEHENENGO ERA
Osagaiak 4 lagunentzat
700 g indioilar bularki, 100 g kuiatxo, 8 xerra urdaiazpiko ondu, 8 barrengorri txiki. Saltsa: 3 koilarakada olio, koilarakadatxo bat ozpin, koilarakadatxo bat ziape, perrexila, gatza.

Zailtasuna                        2               

1.  Bularkia 32 zatitan  moztu.
2. Kuiatxoa luzeran zerrenda finetan moztu.
3. Garbitu barrengorriak eta osorik utzi.
4. Txitxiburduntzietan hurrenez hurren bularkia, kuiatxoa, bularkia, barrengorria, bularkia, urdaiazpikoa eta indioilarra jarri.
5. Saltsaren osagaiak nahastu.
6. Plantxa bat berotu eta txitxiburduntziak saltsarekin erre.

BIGARREN ERA
Osagaiak 4 lagunentzat
700 g indioilar bularki, 300 g ahate foie, sagar bat. Saltsa: 3 koilarakada koko esne, 3 koilarakada kakahuete krema, koilarakada bat azukre, koilarakada bat soja saltsa, kurrya.

Zailtasuna                             2

1.  Bularkia 24 zatitan  moztu.
2. Sagarra zuritu eta 16 zatitan moztu.
3. Foie 8 zatitan moztu.
4. Txitxiburduntzi bakoitzean hurrenez hurren bularkia, sagarra, foiea, bularkia, sagarra eta bularkia jarri.
5. Saltsaren osagaiak nahastu eta eltze batean egosi. Lodi badago ur pixka bat bota. Behar adina kurry bota.
6. Plantxa bat berotu eta txitxiburduntziak olioarekin erre.
Saltsarekin lagundu.