LEHENENGO ERA
Osagaiak 4 lagunentzat
Uraza desberdinak, azenario bat, 100 g kuiatxo, 8 tomate cherry, 200 g perretxiko, 16 otarrainxka handi, baratxuri ale bat. Saltsa: 9 koilarakada olio, 3 koilarakada ozpin, gatza.

Zailtasuna                             2

1. Urazak eta tomateak garbitu.
2. Azenarioa eta kuiatxoa tiratan moztu. Eltze batean ura eta gatza irakiten jarri. Azenarioa sartu eta 3 minutuz egosi. Kuaitxoa gehitu eta minutu batez egosi. Xukatu.
3. Txikitutako baratxuria olio zurrusta batekin erregosi, su eztitan.
4. Zerrendatan moztutako perretxikoak gehitu eta erregosi.
5. Otarrainxkak zuritu, perretxikoei gehitu eta arin erregosi.
6. Plateretan uraza, tomatea, barazkiak eta perretxikoak jarri.
7. Saltsaren osagaiak zartaginera bota, epeldu eta gainetik banatu.

BIGARREN ERA
Osagaiak 4 lagunentzat
2 tomate, 2 patata, baratxuri ale bat, 200 g perretxiko, 16 otarrainxka handi. Saltsa: 9 koilarakada olio, 3 koilarakada ozpin, gatza.

Zailtasuna                        2             

1. Patatak 30 minutuz, zuritu eta xerratan moztu.
2. Tomateak zuritu eta zatitu. Olio pixka batekin arin erregosi.
3. Txikitutako baratxuria olioarekin erregosi. Tiratan moztutako perretxikoak gehitu eta erregosi.
4. Otarrainxkak zuritu, perretxikoei gehitu eta arin erregosi.
5. Plateretan osagaiak jarri eta gainetik epeldutako saltsa bota.