LEHENENGO ERA
Osagaiak 4 lagunentzat
16 orburu, 500 g otarrainxka, mango erdia, 150 g marrubi, 200 tipula gorri. Saltsa: 10 koilarakada olio, lima baten eta laranja baten zukua, gatza, martorria.

Zailtasuna                        2              

1. Orburuei kanpoko hosto gogorrak kendu. Zainari azala zuritu. Barruan dituzten ileak koilaratxo batekin atera. Ura eta gatzarekin 15 minutuz egosi. Atera eta lau zatitan moztu.
2. Otarrainxkak 2 minutuz egosi. Xukatu, zuritu eta moztu.
3. Mangoa zuritu eta dadotan moztu. Marrubiak garbitu eta zerrendatan moztu.
4. Tipulina tira finetan moztu.
5. Saltsaren osagaiak irabiatu eta osagai guztiekin nahastu. Hozkailuan ordu betez beratzen utzi.

BIGARREN ERA
Osagaiak 4 lagunentzat
16 orburu, 500 g otarrainxka, 250 g gazta fresko. Saltsa: tipulina laurdena, pepino laurdena, piper berde laurdena, 2 tomate heldu, baratxuri ale erdia, pikillo piper erdia, ogi xerra bat, 2 koilarakada olio, koilarakadatxo bat ozpin, gatza.

Zailtasuna                           2

1. Orburuak eta otarrainxkak aurreko errezetan esan dugun bezala prestatu.
2. Tomateak, pepinoa, piperrak, baratxuria, ogia eta tipulina irabiagailuarekin nahasi eta txanotik pasatu.
3. Olioa eta ozpina gehitu eta nahasi. Gatza bota.
Plateretan saltsa jarri, eta gainean orburuak, gazta eta otarrainxkak.