Amagoia Bilbao

Sagarrez beteriko indioilar izterra

GETTY IMAGES
GETTY IMAGES (GETTY IMAGES)

Osagaiak 4 lagunentzat
2 indioilar izter, tipula erdia, porru baten berdea, ardo zuria, gatza, piperbeltz beltza. Betegarria: 250 g sagar, tipula erdia, 100 g kuia, 100 g hirugihar, olioa. Hornidura: 200 g patata bat, 70 g mihilu, 100 ml esne, olioa, gatza.

Zailtasuna                           3

1. Indioilar izterrak garbitu eta hezurrak kendu. Liburu baten moduan ireki.
2. Eltze batean zerrendatan moztutako tipula erdia eta porruaren berdea olioarekin erregosi.
3. Hezurrak gehitu eta urarekin estali. Ordu batez egosi eta xukatu.
Betegarria:
1. Txikitutako tipula olio pixka batekin erregosi.
2. Sagarra eta kuia zuritu eta txikitu. Tipularekin batera jarri eta erregosi.
3. Txikitutako hirugiharra gehitu eta arin erregosi.
4. Izterrak aurreko nahasketarekin bete eta bildu. Gatza eta piper beltza bota eta olioz igurtzi. Kordel batekin lotu.
5. Zartagin batean olio pixka bat berotu eta izterrak gorritu.
6. Labean sartzeko azpil batean  izterrak jarri eta zurrusta bat ardorekin busti.
7. Labe beroan sartu, 190 gradutan, 35-40 minutuz. Tarte horretan noizean behin salda bota.
Hornidura:
1. Eltze batean patata eta mihilua urarekin 30 minutuz egosi. Xukatu.
2. Esne beroa bota eta irabiagailuarekin nahasi. Gatza bota.
Izterra xerratan moztu eta bere saldarekin estali. Ondoan purearen marra batzu jarri.