LEHENENGO ERA
Osagaiak 4 lagunentzat
8 txahalki xerra fina, 150 g tipula, piper berde bat, piper gorri erdia, 4 Havarti gazta xerra, irina, ogi birrindua, arrautza.

Zailtasuna            2                

1. Zerrenda finetan moztutako tipula olio pixka batekin erregosi.
2. Tiratan moztutako piperrak gehitu eta erregosi.
3. Hurrenez hurren xerra, piperrak, gazta xerra eta xerra jarri.
4. Irineztatu, irabiatutako arrautzatik eta ogi birrindutik pasatu.
5. Zartagin batean olioa berotu eta xerrak, bi aldeetatik, frijitu.
Tomate eta gazta fresko entsaladarekin lagundu.
 
BIGARREN ERA
Osagaiak 4 lagunentzat
8 txahalki xerra fina, baratxuri ale bat, piper berde bat, 200 g barrengorri, 8 zati fina gazta Brie, irina, arrautza, gatza.
Zailtasuna                 2     

1. Txikitutako baratxuria olio pixka batekin erregosi, su eztitan.
2. Tiratan moztutako piperra gehitu eta erregosi.
3. Barrengorriak garbitu eta zerrendatan moztu. Barazkiekin batera jarri eta erregosi.
4. Hurrenez hurren xerra, barazkiak, bi gazta zati eta xerra jarri.
5. Irineztatu eta irabiatutako arrautzatik pasatu.
6. Zartagin batean olioa berotu eta xerrak, bi aldeetatik, frijitu.
Honekin lagundu:
350 g patata dadotan moztu eta egosi. Txikitutako bi baratxuri gurinarekin erregosi. Patatak gehitu eta arin erregosi.