Osagaiak 4 lagunentzat
350 g alberjinia, 250 g kuiatxo, 300 g tomate heldu, 150 g perretxiko, 80 g urdaiazpiko ondu xerra, gazta birrindua. Saltsa: tipula bat, 2 baratxuri ale, 5 piper txorizero, ardo zuria, salda, olioa, gatza. Piperrada: baratxuri ale bat, tipula laurdena, piper berde bat, piper gorri laurdena, olioa, gatza.

Zailtasuna                      3              

Piperrada:
1. Txikitutako baratxuriak eta tipula olio pixka batekin erregosi.
2. Tiratan moztutako piperrak gehitu eta erregosi.
Saltsa:
1. Piper txorizeroak ondo garbitu, eta 15 minutuz ur epeletan beratzen utzi. Xukatu.
2. Zerrendatan moztutako tipula eta baratxuriak olio pixka batekin erregosi, su eztitan. Estali eta noizean behin eragin.
3. Piperrak eta bi baso salda bota eta 15 minutuz egosi. Gatza bota.
4. Irabiagailuarekin nahasi eta txanotik pasatu.
Hostopilak:
1. Alberjinia, kuiatxoa eta alberjinia xerratan moztu. Perretxikoak osorik utzi.
2. Plantxa bat berotu eta barazkiak olio pixka batekin erre.
3. Lau banako arotan hurrenez hurren alberjinia, perretxikoa, piperrada, kuiatxoa, tomatea, urdaiazpikoa, alberjinia, perretxikoa, piperrada, kuiatxoa, tomatea, urdaiazpikoa eta alberjinia jarri. Gainetik gazta bota.
4. Labe beroan sartu, 190 gradutan, berotu arte.
5. Plateretan jarri, aroa kendu eta gainetik saltsa beroa bota.