LEHENENGO ERA
Osagaiak 4 lagunentzat
16 zainzuri zuri lodi. 100 g izokin ketu, tipula bat, 150 ml esne-gaina, limoi zukua, gatza.

Zailtasuna                        2               

1. Zuritu ondo zainzuri zuriak, patatak zuritzeko tresnarekin, eta barrenak moztu.
2. Eltze batean ur ugari gatzarekin irakin. Zainzuriak sartu eta 15-20 minutuz egosi. Egosteko denbora zainzurien lodieraren arabera izango da.
3. Txikitutako tipula olio pixka batekin erregosi.
4. Esne-gaina eta limoi zuku pixka bat gehitu eta 2 minutuz egosi.
5. Izokina gehitu eta behar adina gatz eta limoi zuku bota.
6. Plantxan zainzuriak olio pixka batekin erre. Saltsarekin lagundu.

BIGARREN ERA
Osagaiak 4 lagunentzat
16 zainzuri zuri lodi,  2 arrautza, 100 g izokin ketu. Saltsa: arrautza bat, 200 ml olio, ozpina, gatza.

Zailtasuna                       2

1. Zainzuriak aurreko errezetan esan dugun bezala egosi.
2. Arrautzak 8 minutuz egosi, freskatu, zuritu eta txikitu.
3. Plantxa beroan zainzuriak olio pixka batekin erre.
Saltsa:
1. Arrautza eta ozpin tanta batzuk irabiagailuarekin nahasi.
2. Olioa apurka-apurka bota eta etengabe irabiatu. Behar adina ozpin eta gatz bota.
Plateretan zainzuriak, arrautza eta zatitutako izokina jarri. Saltsarekin lagundu.