LEHENENGO ERA
Osagaiak 4 lagunentzat
700 g oilasko bularki, 2 baratxuri ale, 200 g ziazerba, 4 xerra gazta, arrautza, ogi birrindua, olioa, gatza.

Zailtasuna                       2

1. Txikitutako baratxuriak olio pixka batekin erregosi.
2. Txikitutako ziazerbak gehitu eta arin erregosi. Gatza bota.
3. Bularkia 8 xerretan moztu eta gatza bota. Hurrenez hurren oilasko xerra, ziazerbak, gazta xerra eta oilasko xerra jarri. Filmarekin bildu eta hozkailuan 3 orduz utzi.
4. Filma kendu eta ogi birrindutik, irabiatutako arrautzatik eta ogi birrindutik pasatu.
5. Zartagin batean olio ugari berotu eta bilduak frijitu, su ertainetan. Paper baten gainera atera.

BIGARREN ERA
Osagaiak 4 lagunentzat
700 g oilasko bularki, 200 g ziazerba, 80 g tomate oliotan, 150 g  Brie gazta, olioa.

Zailtasuna                        2             

1. Bularkia 8 xerretan moztu eta gatza bota. Koilarakada bat ziape, olio eta limoi zuku nahastu eta xerrak igurtzi.
2. Ziazerbak txikitu eta olio pixka batekin arin erregosi.
3. Tomateak tiratan moztu.
4. Gazta zerrendatan moztu.
5. Hurrenez hurren oilasko xerra, gazta, ziazerba, tomatea eta oilaskoa jarri. Ogi birrindutik pasatu.
6.  Zartagin bat olioarekin berotu, bularkiak gorritu eta atera.
7. Azpil batean bularkiak jarri eta labe beroan sartu, 180 gradutan, 5-8 minutuz edo.