LEHENENGO ERA
Osagaiak 4 lagunentzat
900 g txerri azpizun, tipula bat, 300 g abrikot, 300 ml salda, koilarakada bat ezti, ardo zuria, olioa, gatza.

Zailtasuna                           2               

1. Azpizuna xerratan moztu eta gatza bota.
2. Zartagin batean olio pixka bat berotu, xerrak gorritu eta atera.
3. Zartagin berean tiratan moztutako tipula erregosi, su eztitan.
4. Zatitutako abrikotak gehitu eta erregosi. Eztia eta ardo pixka bat bota eta minutu batez egosi.
5. Saldarekin busti eta 5 minutuz egosi. Irabiagailuarekin nahasi eta txanotik pasatu.
6. Azpizuna sartu eta minutu batez berotu.
Arin erregositako patatarekin lagundu.

BIGARREN ERA
Osagaiak 4 lagunentzat
900 g txerri azpizun, tipuleta bat, 350 g abrikot, 300 ml salda, koñaka, olioa, gatza, ezkaia, piperbeltz beltza.

Zailtasuna                             2

1. Azpizunari gatza eta piperbeltz beltza bota.
2. Zartagin batean olio pixka bat berotu, gorritu eta atera.
3. Zartagin berean txikitutako tipuleta erregosi.
4. Abrikotak garbitu eta txikitu. Tipuletarekin batera jarri, zurrusta bat koñaka gehitu eta 2 minutuz egosi.
5. Azpizuna sartu eta salda gehitu. 20 minutuz egosi.
Atera eta xerratan moztu. Saltsarekin eta patata purearekin lagundu.