LEHENENGO ERA
Osagaiak 4 lagunentzat
400 g angurri, 150 g Feta gazta, errukula, ziazerba fresko, 8 intxaur, 100 g luzoker, 12 oliba beltz. Saltsa: 10 koilarakada olio, 3 koilarakada ozpin, albahaka, gatza.

Zailtasuna                        1               

1. Luzokerra zuritu eta zerrendatan moztu. Gatz pixka bat bota eta bi orduz utzi. Xukatu.
2. Angurria zuritu eta dituen haziak kendu. Dadotan moztu.
3. Intxaurrak zuritu eta zatitu.
4. Gazta dadotan zatitu.
5. Errukulua eta ziazerbak garbitu eta ondo lehortu.
6. Albahaka txikitu. Saltsaren osagaiak irabiatu eta albahakarekin nahastu.
Plateretan ziazerba, errukula, angurria, gazta, luzokerra, intxaurrak eta olibak jarri. Saltsa bota.

BIGARREN ERA
Osagaiak 4 lagunentzat
400 g angurri, erremolatxa bat, 150 g masusta, 150 g ahuntz gazta, errukulua. Saltsa: 9 koilarakada olio, 3 koilarakada ozpin, koilarakada txiki bat ziape, koilarakada bat ezti, gatza.

Zailtasuna                        1               

1. Erremolatxa 20 minutuz egosi. Zuritu eta tiratan moztu.
2. Angurria zuritu eta dituen haziak kendu. Tiratan moztu.
3. Errukulua garbitu eta lehortu.
4. Masustak garbitu.
5. Gazta tiratan moztu.
6. Erremolatxa txikitu.
7. Saltsaren osagaiak irabiatu.
Plateretan errukula, angurria, masusta, erremolatxa eta gazta jarri.  Gainetik saltsa bota.