LEHENENGO ERA
Osagaiak 4 lagunentzat
200 g hostore. Betegarria: 300 g tipula, 300 g perretxiko, 100 g ahate foie, 20 g azukre, olioa, gatza.

Zailtasuna                        2               

1. Zerrendatan moztutako tipula olio zurrusta batekin erregosi, su oso eztitan. Tipula egina dagoenean, azukrea bota eta 5 minutuz gehiago erregosi, su oso eztitan.
2. Perretxikoak garbitu, zerren-datan moztu eta arin erregosi.
3. Foiea dadotan moztu eta zar-tagin batean gorritu, oliorik gabe.
4. Lau banakako molde olioz igurtzi. Arrabola batekin hostorea zabaldu eta moldeak bete. Labe beroan sartu, 200 gradutan, 8 minutuz.
5. Tipula, perretxiko eta foiearekin bete eta labean berotu.

BIGARREN ERA
Osagaiak 4 lagunentzat
200 g hostore. Betegarria: tipula bat, 250 g perretxiko, 80 g hirugihar, 2 arrautza, 120 ml esne, olioa, gatza.

Zailtasuna                           2

1. Txikitutako tipula olioarekin erregosi, su ezitan.
2. Tiratan moztutako perretxikoak gehitu eta erregosi.
3. Hirugiharra txikitu, gehitu eta arin erregosi.
4. Esnea eta arrautzak irabiatu. Perretxikoekin nahastu.
5. Lau banakako molde gurinez igurtzi. Arrabola batekin hostorea zabaldu eta moldeak bete. Labean sartu, 200 gradutan, 5 minutuz.
6. Nahasketa lau moldeetan banatu. Labe beroan sartu, 190 gradutan, 10 minutuz.