LEHENENGO ERA
Osagaiak 4 lagunentzat
4 oilasko izter, 2 porru, 2 azenario, 2 sagar, 2 baratxuri ale, 200 g perretxiko,  500 ml salda, olioa, piperbeltz beltza, gatza.

Zailtasuna                        2               

1. Oilaskoari gatza eta piperbeltz beltza bota.
2. Zartagin batean zurrusta bat olio berotu eta izterrak gorritu.
3. Eltze batean zatitutako porruak, sagarrak eta azenarioak oilaskoa frijitu dugun olio pixka batekin erregosi.
4. Saldaren erdia gehitu eta 10 minutuz egosi. Irabiagailuarekin nahasi.
5. Izterrak, saltsa eta geratzen den salda 35-40 minutuz egosi.
6. Txikitutako baratxuriak olio pixka batekin erregosi. Zerrendatan moztutako perretxikoak gehitu eta erregosi. Izterrei gehitu.

BIGARREN ERA
Osagaiak 4 lagunentzat
4 oilasko izter, 150 g tipula, 300 g sagar, 150 g kuia, 150 ml ardo gozo, 300 ml salda, olioa, ezkaia, gatza.

Zailtasuna                        2               

1. Oilaskoari gatza eta piperbeltz beltza bota eta irineztatu. Eltze batean olio pixka bat berotu eta izterrak gorritu.
2. Moztutako tipula, kuia eta sagarra gehitu eta erregosi.
3. Ezkai zati bat, salda eta ardoa gehitu eta 35-40 minutuz egosi.
4. Izterrak atera. Barazkiak irabiagailuarekin nahasi eta izterrekin 3 minutuz egosi.
Patata frijituekin lagundu.