LEHENENGO ERA
Osagaiak 4 lagunentzat
300 g dilista, 400 g otarrainxka, tipula bat, porru bat, azenario bat, 2 baratxuri ale, olioa, gatza.
Zailtasuna 1
1. Otarrainxkeei buruak kendu eta zuritu. Buruak olio pixka batekin erregosi. Urarekin estali eta 10 minutuz egosi. Zapaldu eta xukatu.
2. Dilistak garbitu. Eltze batean dilistak, salda, gatz pixka bat eta litro bat ur jarri. Tapatu eta egosi, su eztitan, 25 minutuz.
3. Txikitutako barazkiak gehitu eta egosi, su eztitan, 40 minutuz edo. Behar adina gatz bota.
4. Zartagin batean olioa berotu eta otarrainxkak frijitu.
Dilistak lau plateretan jarri. Gainean otarrainxkak ipini.
BIGARREN ERA
Osagaiak 4 lagunentzat
300 g dilista, 400 g otarrainxka, 2 tipula, 3 baratxuri ale, piper berde bat, koilarakadatxo bat piperrauts, olioa, gatza.
Zailtasuna 1
1. Txikitutako tipulak eta baratxuriak olio pixka batekin erregosi.
2. Txikitutako piperra gehitu eta erregosi.
3. Dilistak garbitu. Eltze batean dilistak, barazkiak, gatz pixka bat eta litro eta erdi ur jarri. Tapatu eta egosi, su eztitan, 60 minutuz.
4. Otarrainxkak zuritu eta buruak kendu.
5. Zartagin batean otarrainxkak olio pixka batekin arin erregosi. Piperrautsa gehitu eta eragin. Dilistei gehitu eta nahastu.
Lateralidad, un tema desconocido pero crucial en el aprendizaje de las niñas y niños
El robo del año no ha tenido lugar en el Louvre, sino en Spotify
Erribera, Lizarraldea y Rioja Alavesa, zonas privilegiadas para observar el eclipse solar
Euskal Selekzioaren ofizialtasuna ospatuz egin dute topa txotx denboraldia irekitzeko
