LEHENENGO ERA
Osagaiak 4 lagunentzat
200 g hostore. Betegarria: 300 g onddo, 150 g gazta Brie, 20 g pinazi, 2 koilarakada esne, olioa, gatza.

Zailtasuna                        2               

1. Onddoak garbitu eta zerrendatan moztu. Olio pixka batekin erregosi. Gatza bota.
2. Gazta zerrenda finetan moztu.
3. Zartagin batean pinaziak gorritu su oso eztitan.
4. Hostorea arrabola batekin zabaldu. Hostorearen erdian onddoak, pinazia eta gazta jarri eta bildu.
5. Bildua zortzi zatitan moztu. Esnea gatz pixka batekin nahastu eta hostoreak pintatu.
6. Labe beroan sartu, 210 gradutan, 12 minutuz.

BIGARREN ERA
Osagaiak 4 lagunentzat
200 g hostore. Betegarria: 300 g tomate heldu, 300 g onddo, 2 baratxuri ale, 100 g gazta Ricota, 30 g gazta birrindu, olioa, gatza, oreganoa.

Zailtasuna                           2

1. Txikitutako baratxuri bat olio pixka batekin erregosi.
2. Tomatea zuritu eta haziak kendu eta txikitu. Baratxuriari gehitu eta erregosi.
3. Geratzen den baratxuria txikitu eta olio pixka batekin erregosi.
4. Zerrandatan moztutako onddoak gehitu eta arin erregosi.
5. Hostorea arrabola batekin zabaldu. Gainean tomatea, onddoak eta zatitutako gazta jarri. Oreganoa eta gazta birrindua bota.
6. Labe beroan sartu, 200 gradutan, 10 minutuz.