Oilasko frituak

LEHENENGO ERA
Osagaiak 4 lagunentzat
350 g oilasko bular, porru erdia, 2 baratxuri ale, 80 g gurin, 150 g irin, 150 ml esne, 150 ml oilasko salda, 2 arrautza, perrexila, olioa, gatza.

Zailtasuna                          2

1. Oilaskoa txikitu.
2. Eltze batean txikitutako porrua eta baratxuriak gurinarekin eta olio zurrusta batekin erregosi.
3. Oilaskoa gehitu eta erregosi.
4. Irina gehitu eta 2 minutuz eragin.
5 Esnea eta salda apurka-apurka bota eta etengabe irabiatu. Egosi, su eztitan, hiru minutuz.
6. Sutatik kendu, arrautzak eta txikitutako perrexila gehitu eta nahastu. Behar adina gatz bota.
7. Zartagin batean olioa berotu, koilara batekin orearen zatiak bota eta frijitu.

BIGARREN ERA
Osagaiak 4 lagunentzat
500 g oilasko bularki, 100 ml soja saltsa, 120 ml laranja zuku, arrautza, arto txigortu, olioa.

Zailtasuna                               1

1. Oilaskoa tiratan moztu.
2. Soja saltsa eta laranja zukua nahastu. Oilaskoa sartu eta nahastu. Tapatu eta hozkailuan 2 orduz beratzen utzi.
3. Oilaskoa saltsatik atera.
4. Artoa ondo xehatu.
5. Oilasko tirak irabiatutako arrautzatik eta artotik pasatu.
6. Zartagin batean olioa berotu eta oilaskoa frijitu.

Bi errezetak dadotan moztutako patata frijituekin eta alioli saltsarekin lagundu.