Ez ditu urte asko Allahabaden eraikitako zubi berriak. 2004. urtean zabaldu zuten Naini zubiak zituen trafiko arazoak konpontzearren. Irudian ikusten den moduan, arazoa zubi batetik bestera pasatu da, ordea. Izan ere, ohikoa da berriz ere auto ilara luzeak ikustea zubi berriaren gainean. Auto eta kamioiak katramilatuta eta gidariak ibilgailuetatik irten eta hara eta hona denbora non pasatuko. Agian, itxaronaldi horretan ikusiko dute patxadaz eta arraun txiki bat hartuta Yamuna ibaiaren bi urertzak batzen ari den pertsonak utzitako arrastoa, mantsoa, baina etenik gabekoa.