Aurreiritziak eta baliabide aldetik zituzten zailtasunak gainditu dituzte. Ez dute erraz izan, baina Irakeko halterofilia taldea osatzen duten zortzi emakumeak pisua ez ezik dominak eta garaikurrak altxatzen ari dira orain. Egunero-egunero hiru bat orduz entrenatuta, kirol helburu handiak dituzte, baina ez hori bakarrik: jasotzen duten soldatarekin maila ekonomikoan euren familiek dituzten premiak ere asetzen dituzte.