«Zer islatu nahi izan dut irudian?: basamortuko paisaia», erantzun du Laura Garciak helarazi digun argazki honen «intrahistoriari» buruz galdetu diogunean. «Sahara leku magikoa» baita, gaineratu duenez. Magikoa, ederra eta ia mugarik gabekoa, argazkian antzematen den legez. Gasteiztik Saharara egindako bidaia hau, Zagorako basamortuan barna, bizipen ahaztezina izan da Laura Garciarentzat, lagunekin partekatutako esperientzian, berbereen kultura pixka bat ezagutu ahal izan dutelako.