Euskaraldian izena emateko epea irekita dago apirilaren 8ra arte

“Euskaraldia: 11 egun euskaraz” ekimenean parte hartzeko izen-ematea zabalik dago. Euskal Herri osoan aldi berean abiatuko den euskararen aktibaziorako egitasmo honen lehen izen-emate fasea aurkezteko, Donostian bildu ziren atzo, besteak beste, Arrate Illaro Euskaltzaleen Topaguneko kidea eta Euskaraldiaren koordinatzaile Miren Dobaran. Azaroaren 23an plazaratu zenetik, egitasmoa herrietan aurkeztu eta lanari ekin ahal izateko batzordeak sortzen ari dira, elkarlanetik loratutakoak. Oroitu zutenez, komenigarria da apirilaren 8a baino lehen herrien izen-ematea egitea, baina ez da beharrezkoa batzordea sortuta egotea.