Britainia Handia eta Estatu frantsesa, bide okerretik

Londresek eta Parisek akordio garrantzitsua sinatu zuten ostegunean: lehenak pateraz Mantxako kanaletik iristen diren migratzaileak hexagonora itzuliko ditu, eta trukean, Frantziatik asiloa eskatu duten beste batzuk onartuko ditu. Bestalde, armamentu nuklearraren erabilera koordinatuko dute erasoren bat jasoz gero, eta lankidetza nuklearra sendotuko duen talde bateratu bat sortuko dute. Giza eskubideak eta bakea sustatu beharrean, errepresioaren lankidetza eta eskalada militarraren bidea hartu dute.