Zaporeak, elkartasunaren eredu

Zaporeak elkarteak hamar urte bete ditu. Ia 2.000 boluntarioren lanari esker, hamarkada batean zortzi milioi menu baino gehiago banatu ditu. Egunero 2.000-2.500 otordu banatzen dituzte Lesbosen, lehentasuna haurrei, haurdun dauden emakumeei eta pertsona zaurgarriei emanez. Santo Tomas eguna baliatuko dute dirua biltzeko, eta etorkizunean Gazara laguntza eramatea dute helburu; oraingoz, elikagaiak bidaliko dituzte tokian lanean ari diren elkarteekin elkarlanean. Ezinbestekoak.