Dravet sindromeak baliabide gehiago behar ditu

Dravet Sindromearen Fundazioak gaitz arraro, larri eta gutxi diagnostikatu honen inguruko kontzientziazio handiagoa, diagnostiko goiztiarra eta baliabide gehiago eskatu du Nafarroako Parlamentuan. Haurtzaroan agertzen den epilepsia larria da, garapen arazo larriak eragiten ditu eta heriotza goiztiarreko tasa handia du. Berau garaiz diagnostikatzea eta ikertzea funtsezkoa da, baita neuropediatriari baliabide gehiago eta familiei eta pazienteei arreta modu multidiziplinarrean eskaintzea ere.