2019/11/28

Gastronomiaren negozioan hasteko errezetak, ostera ere zutik irauteko

Hogei bat sukaldari, ostalari, produktore eta ekintzailek beraien esperientzia partekatuko dute gastronomia-sektorean hasten ari diren profesionalekin, Basque Culinary Centerreko Culinary Action ekimenak antolatutako tailer batean.

Gaur8
Basqueculinaryikasleak
Basque Culinary Centerreko ikasleak, sukaldean. (Jagoba MANTEROLA/FOKU)

Ekitaldia datorren astelehenean izango da, LABen, Donostiako Tabakalera eraikinean dagoen gastronomia digitaleko laborategian.

Hizlarien artean Donostian establezimendua irekitzea erabaki duten ekintzaileak izango dira, besteak beste, Bella Bowring, Gerlad's, Chesko Salas, Ekeko, Paulo Airaudo, Amelia, Bruno Oteiza, Gatxupa eta La Madameko Kevin Patricio.

Hirian ezagunak diren jatetxeen bigarren belaunaldiko ordezkariak ere egongo dira, hala nola Ohiana Subijana, Amaia Argiñano eta Elkanoko Aitor Arregi.

"Parrilla" izeneko mahai-inguruan, Gipuzkoako sukaldaritzak sagardoarekin, txakolinarekin edo garagardoarekin lotutako proiektuetan garapen bide berrien aurkikuntzak aztertuko dira.

Bestalde, hoteletako jatetxeei buruzko eztabaidek eta gastronomian eta kontsumo-modu berrietan sortzeko modu berriek osatuko dute Aitor Arregiren hitzaldiaren amaierako jarduera-programa. Hizlariak azalduko du nola igaro den hirurogeiko hamarkadan sortutako Getariako parrilla bat "The World's 50 Best Restaurants" zerrendako 30. jatetxe bihurtzera.

Culinary Action ekimena 2014. urtean hasi zen. Urte hartan, elikaduraren eta sukaldaritzaren sektoreko ekintzaileek beren esperientziak azaldu zituzten Donostian, eta, horren atzetik, hainbat tailer egin izan dituzte Estatu espainiarreko hiri desberdinetan.

Astelehenean Gipuzkoako hiriburuan hasiko den hitzordua 2019an egin duten hirugarrena da, Madrilen eta Palma de Mallorcan egin ondoren.