Sadar estadioan egin du Osasunak gaur goizean Nano eta Arribas jokalari iritsi berrien aurkezpena. Zuzendaritza batzordeko idazkari Jose Luis Roldan eta kirol zuzendari Angel Martin Gonzalez ere izan dira bertan.
Numantziatik etorritako Nanok adierazi duenez, «17 urteko mutiko baten moduan» iristen da talde gorritxora, «lehen mailan jokatzeko ilusio eta gogo berberarekin».
Rayo Vallecanotik heldu den Arribasek, bere aldetik, esan du «lasaitasuna eta egonkortasuna» dituela helburu Osasuna bezalako «klub handi batean».
Beste alde batetik, talde gorritxoak bere webgunearen bitartez jakinarazi duenez, Nacho Zabal atezainak 2014ko ekainera arte luzatu du kontratua, beste bi denboralditarako luzatzeko aukerarekin.
2012-2013 denboraldian SD Huesca taldean arituko da Zabal, utzita.
Esteban se arrepiente de haber ridiculizado el caso de Getxo pero el PNV sigue minimizándolo
Zubietarrak eta iturendarrak, joare soinuz naturaren ernatzea irudikatzen
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
