Prainsa Zaragozak Reala baino dezente gehiago dela erakutsi du gaur (2-0) eta txuri-urdinek ligan sailkapen taulan erditik behera jarraituko dute. Erregina Koparako sailkapen txartela lortzeko aukera ederra zuten gaur Realeko jokalariek, lau puntura murriztu ahal baizuten Zaragozarekiko (eta 8. postuarekiko) zuten aldea, baina galdu egin dute eta orain 10 puntura dute aukera hori.

Sei jardunaldi geratzen dira liga amaitzeko, 18 puntu, eta beraz oso maldan gora jarri zaio Donostiako taldeari Erregina Koparako sailkapena.