Sanferminen hasierarako lau egun eskas geratzen direnean, Herrira mugimenduak txupinazo urdina jaurti du Iruñeko Udaletxe Plazan. Kamiseta urdina soinean, Imanol Karrerak «giza eskubideen, konponbidearen, bakearen eta espetxe politikaren aldaketen beharraz» mintzatu da.
Aurtengo jaietarako egitaraua ere aurkeztu du Herrirak. «Urtero legez, preso eta iheslarien eskubideen aldeko aldarria oso presente egongo da mundu osoan zehar ezagunak diren Nafarroako hiriburuko festetan», adierazi dute.
Maialen Lujanbio eta Andonio Egañaren parte hartzea izango dituen bertso afaria, Gatibu, Bad Sound System edo Itziarren Semeak bezalako musika taldeak, elektrotxaranga edo kalejirak izango dira bederatzi egunetan zehar.
Herrirak deialdi berezia egin du San Fermin jaietaz gozatzeko, arduraz eta errespetuz eta bertaratzen direnei antolatutako ekimenetan parte hartzera gonbidatu ditu.
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
Euskal Estatuaren oinarriak jartzeari ekin dio Sortuk, egitekoa eta zuzendaritza eraberrituz
Esteban se arrepiente de haber ridiculizado el caso de Getxo pero el PNV sigue minimizándolo
