Etxeratek besarkadarik «beroena eta zintzoena» bidali die Pablo Gorostiagari eta bere familiari, Judith Uriarteren heriotza dela-eta. Presoen eta senideen defentsan egin zuen «lan nekaezina» nabarmendu du.

Presoen senideen elkarteak gogora ekarri du Gorostiagak Espetxe Zaintza Epaitegiaren baimena zuela larriki gaixorik zegoen emaztea bisitatu ahal izateko, baina Espetxeetako Zuzendaritza Nagusiak «bizirik ikusi ahal izatea ekidin du».

Etxeraten iritziz, «beste behin ere Espetxeetako Zuzendaritza Nagusiak euskal preso politikoekiko eta haien senideekiko krudelkeria eta ankerkeria erakutsi du, doako sufrimendua gehituz berez oso mingarriak diren egoerei».