Ohar baten bitartez, ELDH elkarteak Arkaitz Bellon Elorrioko presoa nola hil zen «modu garbian argitua» izan dadila exijitu du. 

Thomas Schmidt ELDHko idazkari nagusiak eta Ingalaterra eta Galesko Abokatu Bazkuneko Giza Eskubideen Batzordeko lehendakari den Kirsty Bimelowk izenpentutako agirian, gainera, erakunde espainiarrei eskatzen diete, gaixotasun larriak dituzten euskal presoak aske uzteko, «espainiar Kode Penaleko 92.3 artikuluari jarraiki».

Azkenik, euskal presoak beraien familiengandik gertu dauden espetxeetara eramateko eskatzen dute, «espainiar legeriak eta nazioarteko gomendioek dioten bezala».