Inauteri giroa nagusi Zalduondo eta Tolosako kaleetan

Igande goizean ere inauteri giroa nagusitu da Euskal Herriko hainbat herritan. Tolosan desfilea egin dute eta Zalduondon Marquitos asto gainean agertu da.

Marquitos Zalduondoko inauterietan. (Juanan RUIZ / ARGAZKI PRESS)

Euriak eta hotzak ezin izan dute inauteri giroa gelditu. Mozorroak, umorea eta festa Euskal Herriko txokoetan zabaldu dira asteburu osoan zehar.

Igande goizean Tolosan desfilea egin dute eta Zalduondon Marquitos, jaietako protagonista, asto gainean agertu da. Herriko Kale Nagusia zeharkatu ondoren, astotik jeitsi eta 6 metroko makila batean zintzilikatu dute.