Jendetza bildu da Laudioko plazan, Patxo eta Isidro Murga anaiei harrera egiteko.

18/98 makroepaiketaren baitan epaitu zituzten, ‘Egin’ egunkariko administrazio kontseiluko kide izateagatik, eta ezarri zieten zortzi urteko espetxe zigorra osorik beteta aske gelditu ziren iragan ostegunean.

Hala ere, gaur arte ez dute Laudiora iristerik izan, Galizan preso dagoen Patxoren semea bisitatzen egon direlako, zortzi urtetan ezin izan baitute elkar ikusi.