INE estatistika institutu espainolak zabaldu dituen datuen arabera, prezioak garestitu egin dira Gipuzkoa, Bizkaia, Araba eta Nafarroan maiatzean, aurreko hilabetearekin alderatuta.

Igoerarik handiena Nafarroan eta Araban izan da, %0,6 hazi da KPI herrialde horietan. Bizkaian igoera %0,5ekoa izan da, eta Gipuzkoan, %0,4koa, apirilarekin alderatuta.

Urte arteko bilakaerari dagokionez, inflazioa %0,2 jaitsi da Nafarroan eta Bizkaian. Araban eta Gipuzkoan, aldiz, gora egin du indizeak, %0,1 eta %0,3, hurrenez hurren.

Erregaien, jakien, telefonia zerbitzuen, bidaien eta hotelen prezioen garestitzeak izan du eraginik handiena KPIren hazkundean maiatzean, INEren arabera.