Athleticeko presidenteak taldearen izaera eta baloreak eutsita handienekin lehian aritzea nabarmendu du Superkopa lortu biharamunean. Josu Urrutiaren ustez «gureari eutsita» ari dira handienekin lehian. «Zorionekoak gara Athleticen egoteagatik eta pribilegioa da talde honetan egotea», esan du Urrutiak.
Garaipenaren gakoa taldeko lana izan dela nabarmendu du, joaneko eta itzulerako partidetan Athletic hobea izan dela eta bere alde izan duela talde zurigorriak «bere-bereak dituen balioak». «Oso handia da Athletic, ez bere historiagatik soilik, harrigarria da talde horren indartsuekin lehian aritzea», Josu Urrutiaren ustez.
Gabarra ateratzeko aukeraz galdetuta kasu honetan ezinezkoa zela esan du, datozkion erronkak direla eta. Ostegunean Europe League-ko kanporaketa du talde zurigorriak eta igandean Ligako partida, Bartzelonaren aurka San Mamamesen.
Urkullu: «Denontzat zara zu geuria»
Twitter bidez jaso du Athleticek EAEko Lehendakariaren zorion agurra. Garaipena euskal herritar guztiena dela azpimarratu du eta taldearen izaera azpimarratu du.
Zorionak Athletic-zaleok! Gaur euskaldun guztiontzat... Denontzat zara zu geuria! Athletic, altxa gazteak eta euskaldun zintzoak, aurrera!
— Iñigo Urkullu (@iurkullu) August 17, 2015
Elkartasun uholdea Galder Barbado eta Aitor Zelaiaren atxiloketa salatzeko
Borroka herritarrak abiatzera deitu dute Barbadok eta Zelaiak, herri burujabea eraikitzeko
Ranking de alternativas al aceite de oliva, de más saludable a menos
Euskal derbien handitasuna: irudi batek mila hitzek baino hobeto islatuta
Dos heridos graves tras sufrir el ataque de un jabalí en el nacedero de Arteta, en Ollaran
Borroka herritarrak abiatzera deitu dute Barbadok eta Zelaiak, herri burujabea eraikitzeko
Suecia ya siente los desafíos de una sociedad sin dinero en efectivo
Esperanza y sensacionalismo orbitan el exoplaneta K2-18 b
