Munduko surf txapelketen mapan da berriz ere aurten Zarautz, ostegunetik igandera Pro Zarautz txapelketan mundu osoko surflariak izango dira, QS mailan eta 1.000 puntu jokoan. 1988an izan zen Zarautzen lehen munduko txapelketa eta azken urteetan izandako etenari buelta ematera dator aurtengoa.
Nabarmentzekoa da antolakuntzak emakume eta gizonezkoen sailak berdintzen saiatzeko egindako ariketa, puntu eta diru sari bera izango dute Zarautzen parte hartuko duten surflariek, tartean NAIZek egindako ekarpenari esker.
Ostegunean 11.00etan hasiko da txapelketa eta igande iluntzerako espero da bere amaiera. NAIZek txapelketaren jarraipen berezia egingo du eguneroko bideo laburpenak, argazki galeriak eta kronikak jasoz. Horretarako webgune berezia jarri du martxan (hemen).
Surfa eta musika
Agenda oparoa dakar Pro Zarautz txapelketak. Surfaren bueltan beti ere baina musika eta jaia ere izango dira ostegunetik aurrera Zarautzen. Iluntzetarako musika kontzertuak antolatu dituzte eta txapelketarekin batera hainbat ekimen izango dira: surf ikastaroak egunero, yoga saioak, hitzaldiak, skate jaia, merkatua, BMX erakustaldiak... (ikusi denak NAIZ: AGENDAn)
La Ertzaintza deja impune la desaparición del test de drogas del hijo de un jefe policial
Mueren tres esquiadores, uno vasco, por un alud junto a los ibones de Brazato (Panticosa)
El actor Sambou Diaby, expulsado de un bar de Bilbo acusado de mantero: «Aquí no puedes vender»
La exposición temprana a pantallas se relaciona con cambios cerebrales en la adolescencia
