2015eko abenduaren 31an zuen epe muga Olaberriako Arcelor Mittal taldeak eta langileek sinatu zuten akordioa. «Ordutik hona enpresaren zuzendaritzak ez du negoziazioarako inolako urratsik eman», salatu dute langileek.

Honen aurrean, eta bost hilabetez zain egon eta gero, «zuzendaritzak negoziaziora ekin diezaion, presio neurriak abiatzea» erabaki dutela iragarri dute ohar baten bidez. Zentzu berean langileei soldata murriztu eta lanaldia luzatu zaiela eman dute jakitera. «Injustizia honekin amaitzeko, negoziazioa berehala hastea exijitzen dugu», adierazi dute.